sru:version: 1.2; sru:query: fcs.rf="mecmua.1_78"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.1_78"; sru:baseUrl: ; fcs:returnedRecords: 1; fcs:duration: PT0.022S PT0.027S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.1_78</phrase></query>)];

342 Şefqatüm atañdan artuqdur saña
Böyle taṣdīq eyle ṣıdq‑ile baña

343 Sırruñı fāş eyleme zinhār sen
Rāzuñı sen bil hemān bir daḫı ben

344 Sırruñı cān gibi eylerseñ nihān
Vaṣla tez vāṣıl olursın bī‑gümān

345 Dėdi Aḥmed şol‑ki ṣaqlar rāzını
Tez bulur ol dil‑ber‑i ṭannāzını

346 Nite‑kim ṭopraqda bir dāne şaʿīr
Perde‑i ġayb içre olur cāy‑gīr

347 Sırrı anuñ revnaq‑i bistān olur
Birine bir niçe biñ iḥsān olur

348 Sīm ü zer ger olmasa k’anda nihān
Ḫār u ḫas gibi olurdı rāygān

349 Ol ḥekīmüñ ḫasteye işbu sözi
Vėrdi quvvet ṣıḥḥate ṭutdı yüzi

350 Vaʿde‑i ehl‑i keremdür qūt‑i cān
Vaʿd‑i keẕẕāb oldı sūhān‑i revān

351 Ehl‑i ṣıdquñ vaʿdi olur cāna qut
Ehl‑i dünyā vaʿdi yaġmursız bulut

352 Bāġ u rāġa feyżi yoq idrārı yoq
Ẓulmet‑efzā nefʿi yoq iżrārı çoq

Dar‑yāftan az valī-yi ṭabīb ranǧ‑i bīmār‑rā
Va mubāšarat‑namūdan‑i u har tīmār‑rā

353 Bunı dėdi ṭurdı qıldı ʿazm‑i şāh
Dėdi buldum ṣıḥḥat içün şāh rāh

354 Dėdi‑kim gönder Semerqanda resūl
Pādişāhum eyle bu pendüm qabūl

355 Zer‑geri māl‑ile qıl maġrūr u żāll
Göñlini vü ʿaqlını mekr ile al

356 Her ne kim dėdi muḥaṣṣal ol ḥekīm
Ėtdi anuñla ʿamel şāh‑i kerīm

357 Gönderüb iki resūl‑i muʿteber
Vėrdi fāḫir ḫılʿat‑ile sīm ü zer

358 Çün Semerqanda ėrişdi ėlçiler
Pādişehden zer‑gere vėrüb ḫaber

359 Sensin ol üstād‑i ṣāḥib‑maʿrifet
Söylenür ḥaqquñda niçe menqıbet